Banka Popullore në faqen e saj në Fejsbuk publikoi rekomandime për qytetarët për blerje të sigurt onllajn. Prej aty thonë se blerja përmes internetit është e lehtë dhe e shpejtë, por se mbrojtja e financave të tyre është me rëndësi thelbësore.
Nga Banka Popullore rekomandojnë që të blihet nga ueb-faqe të sigurta dhe gjithmonë të kërkohet „https://“ dhe ikonë bllokimi në shiritin e adresave të internetit. Gjatë blerjes të përdoren lidhje të sigurta interneti, gjegjësisht asnjëherë të mos blihet përmes rrjetit publik Wi-Fi dhe rregullisht qytetarët t’i kontrollojnë llogaritë e tyre për transaksione të paautorizuara.
“Mundëso vërtetimin me dy faktorë: Shtoni shtresë shtesë të sigurisë në llogaritë tuaja. Keni kujdes nga ofertat shumë të mira: Nëse duket shumë mirë që të jetë e vërtetë, ka gjasa! Siguria juaj është prioritet – blini me mençuri, qëndroni të mbrojtur!”, rekomandojnë nga Banka Popullore.
Përndryshe, sot fillon Black Friday, ditë në të cilën shumica e produkteve për konsum të gjerë ofrohen me çmime të ulura.
