Ish-drejtori i shërbimeve sekrete dhe i dënuari, Sasho Mijallkov, është parë në Monaco duke dalë nga një automjet luksoz „Ferrari“ dhe duke hyrë në një hotel të shtrenjtë.
Sipas të dhënave të autorit që ka publikuar materialin, videoja është realizuar në Monte Carlo dhe është publikuar të martënn paradite.
Sipas të dhënave të disponueshme në internet, automobili „Ferrari“ me të cilin është filmuar Mijalkov mund të kushtojë nga 629.990 deri në 709.900 dollarë. Në video mund të shihet se ai arrin, lë automjetin për parkim dhe hyn në hotel me një femër.
Për Mijalkovin është përmendur edhe më herët se posedon prona në Monaco. Thuhet se ai ka një apartament në Monte Carlo ku ka jetuar djali i tij gjatë periudhës së studimeve atje.
Mijalkov është ndjekur penalisht, por shumë çështje janë amnistuar, ndërkohë që qytetarët kanë pritur drejtësi. Ai u dënua me 24 vjet burg dhe këto janë dënimet: tre vjet për rastin „Perandoria, 12 vjet për përgjimin, pra për rastin „Target-Fortesa“, tetë vjet për „Trezorin“, 1,3 vjet burg për rastin “ parcelat në Vodno”. Nga të gjitha këto dënime, ka vuajtur vetëm dënimin për rastin „Perandoria“, dhe atë në burgun e Strugës, ku mund të qëndronte jashtë për disa orë gjatë ditës dhe të punonte, ndërkohë që natën të kthehej në qeli. /SHENJA/
