MPB njofton se ka ndaluar një të mitur në Kumanovë, i cili po transportonte emigrantë ilegal
“Më datë 17.12.2024 në ora 23.10 në rrugën lokale për fshatin Reçicë të Kumanovës, zyrtarë policorë nga Njësia Mobile për Masa Kompensuese pranë Departamentit për Çështje Kufitare dhe Migrim në Byronë e Sigurisë Publike, kanë ndaluar një 17-vjeçar nga Vinica.
Gjatë kontrollit në një automjet tip “Volkswagen Caddy”, i cili drejtohej më parë nga i mituri dhe mbi të cilin ishin vendosur dy targa të ndryshme të Kumanovës, janë gjetur nëntë emigrantë nga Nepali.
Emigrantët janë akomoduar në qendrën transitore të Tabanoc, ndërsa ndaj të miturit do të bëhet kallëzim përkatës, pas dokumentimit të plotë të rastit”, thonë nga MPB.
