“Ka entuziazëm në idenë e përballjes me një kundërshtar shumë të rëndësishëm, me lojtarë të mrekullueshëm. Janë dy skuadra në formë të shkëlqyer dhe gjithçka sugjeron se do të jetë një shfaqje e shkëlqyer për shikuesit”.
Kështu është shprehur trajneri i Spanjës, Luis de la Fuente, përpara finales së Euro 2024 kundër Anglisë. “Ne kemi stile krejt të ndryshme, por Anglia është një skuadër fizike, me lojtarë që pëlqejnë hapësirat”, shtoi trajneri iberik siç raporton Equipe.
“Ne do të përpiqemi të imponojmë stilin tonë, të kemi posedimin e topit, edhe nëse kemi mundësinë të luajmë në kundërsulm. Por në fund do të hyjnë në lojë edhe aspekte të tjera – tha de la Fuente – të mos bësh gabime, ndjenjën e të diturit se ka pak hapësirë për gabim, të mos duash të humbasësh, të duash të fitosh”.