Albërie Hadërgjonaj ka zhvilluar një intervistë së fundmi, ku mes emocionesh ka folur lidhur me një moment të vështirë që ka kaluar në jetë, kur ish-partneri i saj ra në burg.
Ajo ka ndarë me ndjekësit e saj një pjesë të jetës, që nuk është aspak e lehtë, dhe ka zbuluar përmes fjalëve të saj sa shumë ka vuajtur për dashurinë e tij.
“Kur rritesh, e kupton se nuk të jepet e njëjta monedhë. Mua nuk mu kthye”, ka thënë Albëria. Mirëpo pavarësisht të gjithave, zemra e saj u thye…
Albëria ka shpjeguar se tradhtia e Mentorit ishte ajo që i mori çdo forcë dhe e bëri atë të kuptojë se ndonjëherë fjalët e mëdha nuk janë të vërteta. “Të jesh atje për dikë dhe të japësh gjithçka, dhe ai të kthehet mbrapsht me tradhti, është e pamundur ta përballosh”, tha ajo, duke shtuar se kjo përvojë e bëri të humbiste gjithçka.
