Paralajmërimet për cunami janë lëshuar për gati 5 milionë njerëz përgjatë pjesëve të brigjeve të Kalifornisë Veriore dhe Oregonit pas një tërmeti 7.0 ballë që goditi brigjet e Kalifornisë.
Tërmeti goditi në orën 10:44 të mëngjesit PT rreth 60 milje në jugperëndim të Ferndale, Kaliforni, tha Shërbimi Gjeologjik i SHBA.
Paralajmërimet për cunami shtrihen nga Davenport, Kaliforni, deri në Douglas, Oregon, sipas Qendrës Kombëtare të Paralajmërimit të Tsunamit. Kjo përfshin zonën e Gjirit të San Franciskos dhe Eureka, Oregon.
Paralajmërimi i cunamit mund të ndikojë në brigje dhe mund të arrijë në San Francisko rreth mesditës, paralajmëruan autoritetet.
“Paralajmërimet për cunami nënkuptojnë se një cunami me përmbytje të konsiderueshme është i mundur ose tashmë po ndodh. Cunami është një seri valësh të rrezikshme shumë orë pas mbërritjes fillestare. Vala e parë mund të mos jetë më e madhja”, tha Shërbimi Kombëtar i Motit .
Top Channel
