Një shofer në qytetin e Lozanës në Zvicër është regjistruar duke ngasur veturën me 27 kilometra në orë (17 mph) mbi shpejtësinë e lejuar në një rrugë të këtij qyteti, ai tashmë po përballet me gjobë deri në 90,000 franga zvicerane (mbi 110,000 dollarë).
Pse ky dënim marramendës?
Sepse personi që shkel shpejtësinë, një shkelës i përsëritur i ligjit, është një nga njerëzit më të pasur të Zvicrës, dhe kantoni ose rajoni i Vaud-it vendos gjoba bazuar në faktorë si të ardhurat, pasuria ose situata e përgjithshme financiare e familjes.
Zviceranët nuk janë të vetmit. Gjermania, Franca, Austria dhe vendet nordike lëshojnë dënime bazuar në pasurinë e një personi. Gjoba e fundit nuk është as rekord në Zvicër. Në vitin 2010, një shofer milioner i Ferrarit mori një gjobë të barabartë me rreth 290,000 dollarë për tejkalim shpejtësie në kantonin lindor të St. Gallen.
Në atë kohë, grupi zviceran i sigurisë Road Cross kishte thënë se shoferët e pasur ishin ndëshkuar lehtë derisa votuesit miratuan një rishikim të ligjit penal tre vjet më parë që u lejonte gjyqtarëve të vendosnin gjoba bazuar në të ardhurat personale dhe pasurinë për kundërvajtje si shpejtësia dhe drejtimi i makinës në gjendje të dehur.
Ndërkaq sipas rregullave të sotme, një person i varfër mund të kalojë një natë në burg në vend të një gjobe, teksa më të pasurit në vendin e pasur alpin mund të dënohen me dhjetëra mijëra gjoba. /21Media
