Të qëndruarit ulur për periudha të gjata pa pushim është provuar të jetë e dëmshme për shëndetin tuaj, kështu që nëse duhet të uleni, kini kujdes të mos i mbani këmbët e kryqëzuara për më shumë se gjysmë ore, bëni pushime për t’u ngritur dhe për të lëvizur, si dhe bëni ushtrime .
Të qëndruarit ulur me këmbë të kryqëzuara për periudha të gjata kohore mund të rrisë tensionin e gjakut, edhe nëse nuk keni predispozitë për hipertension.
Kjo mënyrë e të ulurit prish qarkullimin e gjakut. Në enët e gjakut ka valvola të vogla që lejojnë rrjedhjen e duhur të gjakut, dhe duke kryqëzuar këmbët rritni presionin në vena, duke e bërë më të vështirë rrjedhjen normale të gjakut.
Të qëndruarit ulur për më shumë se tre orë në ditë mund të çojë në dhimbje shpine dhe qëndrim të dobët, gjë që nga ana tjetër shkakton ngurtësi në qafë dhe krahë.
Pasojat e të qëndruarit ulur me këmbë të kryqëzuara për një kohë të gjatë mund të përfshijnë gjithashtu ndjesi shpimi gjilpërash në këmbë dhe siklet gjatë ecjes.
Mos harroni të ngriheni dhe të lëvizni çdo 30 minuta që qëndroni ulur!
Nëse përjetoni ënjtje, dhimbje ose ngrohtësi në këmbë, të cilat mund të shoqërohen me skuqje të lëkurës, duhet të kërkoni ndihmë mjekësore sa më shpejt të jetë e mundur. Kjo mund të jetë një shenjë e trombozës së thellë venoze (DVT) , një mpiksje gjaku që zhvillohet më shpesh në këmbë.
