![](https://radiojehona.com/wp-content/uploads/2023/10/izrael1696850123.webp)
Të paktën 260 trupa janë gjetur në vendin e një festivali muzikor në Izrael pas sulmit të së shtunës nga Hamasi, ka njoftuar shërbimi izraelit i shpëtimit Zaka.
Persona të armatosur të Hamasit qëlluan mbi pjesëmarrësit që po largoheshin dhe morën peng të tjerët në festival në një zonë bujqësore rurale pranë kufirit Gaza-Izrael, sipas videove të publikuara nga pjesëmarrësit në festival, raportoi të hënën CNN-i.
Kjo ishte vetëm një nga vendet e shumta të goditura të shtunën në mëngjes nga sulmi më i koordinuar brenda Izraelit i kryer ndonjëherë nga Hamasi, grupi militant palestinez i cilësuar si organizatë terroriste nga Shtetet e Bashkuara, Bashkimi Evropian dhe Izraeli.
Në Festivalin Nova, të pranishmit kanë festuar festën hebraike të Sukkot.